भीमदल राई स्मृति हतुवागढी गोल्डकप हुने 

भोजपुर । वार्षिक रुपमा संचालन हुदै आएको भीमदल राई स्मृति हतुवागढी गोल्डकप यही मंसिर १८ देखि २२ गतेसम्म भोजपुरको सु्नाहाङ खेल मैदान, हतुवागढी–४ मा संचालन हुने भएको छ । विशेष कारण केहि वर्ष नियमित हुन नसकेको गोल्ड कप यसपाली भने भब्य रुपमा सम्पन हुने व्यवस्थापक टिमका सदस्य धन खालिंगले बताए । 

७औँ संस्करण अन्तर्गत हुन गईरहेको उक्त गोल्ड कपमा प्रथम हुने टिमलाई नगद १,७७,१२२ अनि दोश्रो हुने टिमलाई १,११,२३० नगद पुरस्कारको व्यवस्था गरिएको छ । राजधानी भन्दा बाहिर हुने मौफसलका खेलहरुले फुटबल क्षेत्रका राष्ट्रिय खेलाडीहरु उत्पादनमा ठुलो सहयोग पुर्याउने साथै स्थानिय स्तरमा पर्यटन प्रवद्र्धनमा टेवा पुग्ने आयोजक धन खालिङ्ग बताउछन् । 
स्वर्गीय भीमदल राई भोजपुर हतुवागढीमा जन्मेर लामो समय ब्रिटिश सेनामा कार्यरत थिए । आफ्नो जीवनकालमा जिल्लाभन्दा बाहिरै बसेता पनि स्वर्गीय राईले आफ्नो जन्मस्थानमा पुस्ताकालय, शैक्षिक सामग्री वितरण, सामजिक कार्य आदि गर्दै आएका थिए । स्वर्गीय राईको एक सामाजिक कार्यमा जाने क्रममा सवारी दुर्घटनामा परि उपचारको क्रममा निधन भएको थियो ।