आज तोलामा ३ हजारले बढ्यो सुन
काठमाडौं, ९ कात्तिक । नेपाली बजारमा आज सोमबार सुनको मूल्य तोलामा ३ हजार रुपैयाँले बढेको छ ।
आइतबार तोलामा ११ हजार ७ सय रुपैयाँ घटेको सुन आज तोलामा ३ हजार रुपैयाँले बढेर २ लाख ८१ हजार ५ सय रुपैयाँ पुगेको हो ।
नेपाल सुनचाँदी व्यवसायी महासंघका अनुसार आइतबार सुन तोलाको २ लाख ७८ हजार ५ सय रुपैयाँमा कारोबार भएको थियो ।
सुनसँगै आज चाँदी पनि तोलामा ४० रुपैयाँले बढेर ३ हजार ९ सय ९५ पुगेको छ ।
हिजो २३० रुपैयाँ घटेर चाँदीको मूल्य ३ हजार ९ सय ५५ रुपैयाँमा झरेको थियो।
What's Your Reaction?
