तस्बिरमा पाल्पाको ऐतिहासिक भगवती जात्रा

0 39

पाल्पा, २ भदौ । पाल्पाको ऐतिहासिक भगवती जात्रा नेपालकै चर्चित सांस्कृतिक तथा धार्मिक पर्वहरू मध्ये एक हो। यो जात्रा तानसेन, पाल्पामा मनाइन्छ ।

प्रत्येक वर्ष भाद्र कृष्ण नवमीको दिन देवी भगवतीको पूजा आराधना गर्दै नगरको कल्याण, स्वास्थ्य र समृद्धिको कामना सहित यो जात्रा मनाईने प्रचलन छ । यो जात्रा १८१४ सालतिर अङ्ग्रेजहरूसँगको युद्धपछि सुरु गरिएको मानिन्छ।

त्यतिबेला पाल्पाका राजा प्रताप शम्शेरले युद्धमा विजयको प्रतीकस्वरूप भगवतीको मूर्तिको स्थापना गरेर जात्रा सुरु गरेको भन्ने भनाइ रहेको छ।यसले तानसेनलाई धार्मिक मात्र नभई ऐतिहासिक महत्व पनि दिएको छ।

जात्राको दिन भगवती देवीको मूर्ति लाई धुमधामका साथ निकाली ढोल, नगारा, पञ्चे बाजा, भजन–कीर्तनसहित नगर परिक्रमा गरिन्छ। स्थानीय युवा–युवती, वयोवृद्ध, महिला सबै जात्रामा सहभागी हुन्छन्।