तारकेश्वर गाउँपालिका वडाध्यक्षको निधन
तारकेश्वर गाउँपालिका वडाध्यक्षको निधन
९ श्रावण, नुवाकोट । नुवाकोटको तारकेश्वर गाउँपालिका – ६ का वडाध्यक्षको निधन भएको छ । वीर अस्पतालमा उपचाररत वडाध्यक्ष नारायणप्रसाद रिमालको सोमवार निधन भएको हो ।
नेकपा एमाले नुवाकोट जिल्ला सचिवालय सदस्यसमेत रहेका ४५ वर्षीय रिमाल अस्वस्थ भएपछि अस्पताल भर्ना भएका थिए । गत २०७९ सालको स्थानीय तह निर्वाचनमा रिमाल एमालेका तर्फबाट विजयी भएका थिए ।
आज गाउँपालिकामा शोक बिदा दिएको छ । गाउँपालिका अध्यक्ष शिव अधिकारीले शोक बिदा दिएको जानकारी दिदै आज गाउँपालिका अन्तर्गतका सार्वजनिक कार्यालयहरू र शैक्षिक संस्थाहरूमा बिदा हुने र सरकारी कार्यालयहरूमा राष्ट्रिय झण्डा झुकाउने बताएका छन् ।
What's Your Reaction?
