सुनचाँदीको मूल्यमा व्यापक गिरावट
काठमाडौं, ३ जेठ । साताको पहिलो दिन आज आईतबार सुनचाँदीको मूल्यमा व्यापक गिरावट आएको छ। नेपाल सुनचाँदी व्यवसायी महासंघका अनुसार आज सुन तोलामा ४ हजार ५ सय रुपैयाँ घटेर २ लाख ९४ हजार रुपैयाँ पुगेको छ ।
गत शुक्रबार तोलामा ४ हजार रुपैयाँ घटेको सुन आज पनि तोलामा ४ हजार ५ सय रुपैयाँ घटेको हो । बिहीबार ३ लाख २ हजार ५ सय रुपैयाँमा कारोबार भएको सुन शुक्रबार र आइतबार गरी तोलामा ८ हजार ५ सय रुपैयाँ घटेको हो ।
सुनसँगै आज चाँदी पनि तोलामा ३३० रुपैयाँ घटेर तोलाको ५ हजार ६० रुपैयाँमा झरेको महासंघले जनाएको छ। गत शुक्रबार तोलामा ३५५ रुपैयाँ घटेर चाँदीको मूल्य तोलाको ५ हजार ३९० रुपैयाँमा झरेको थियो।
What's Your Reaction?
