चितवनमा रास्वपाको प्रथम राष्ट्रिय महाधिवेशन सुरु, नयाँ नेतृत्व चयनमा चासो

०८ असार, चितवन – राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशन आज चितवनमा औपचारिक रूपमा सुरु भएको छ। भरतपुरस्थित चितवन उद्योग संघ अन्तर्राष्ट्रिय प्रदर्शनी केन्द्रमा आयोजना गरिएको महाधिवेशनमा देशभरबाट आएका प्रतिनिधि, पर्यवेक्षक तथा पार्टीका शीर्ष नेताहरूको उल्लेखनीय सहभागिता रहेको छ।

प्रधानमन्त्री बालेंन शाह ,पार्टीका सभापति रवि लामिछानेसहित केन्द्रीय नेतृत्व, प्रदेश तथा जिल्ला तहका प्रतिनिधिहरू महाधिवेशनमा सहभागी भएका छन्। महाधिवेशनलाई रास्वपाको संगठनात्मक विकास र आगामी राजनीतिक कार्यदिशा तय गर्ने महत्वपूर्ण अवसरका रूपमा हेरिएको छ।

तीन दिनसम्म सञ्चालन हुने महाधिवेशनमा पार्टीको भावी नेतृत्व चयन, संगठन विस्तार, विधान संशोधन तथा आगामी रणनीतिबारे व्यापक छलफल हुने जनाइएको छ। संघीय, प्रदेश र स्थानीय तहसम्म संगठनलाई थप सुदृढ बनाउने विषयमा विशेष बहस हुने कार्यक्रम रहेको छ।

महाधिवेशन उद्घाटन सत्रमा पार्टी नेतृत्वले सुशासन, पारदर्शिता, जवाफदेहिता तथा नागरिक केन्द्रित राजनीतिप्रतिको आफ्नो प्रतिबद्धता दोहोर्‍याउने अपेक्षा गरिएको छ। साथै, पार्टीको भावी मार्गचित्र, संगठनात्मक संरचना र नीति निर्माणका विषयमा विभिन्न प्रस्तावहरू प्रस्तुत गरिने बताइएको छ।

रास्वपाको स्थापना पछि पहिलो पटक आयोजना गरिएको राष्ट्रिय महाधिवेशन भएकाले यसलाई पार्टीको इतिहासमा महत्वपूर्ण राजनीतिक घटनाका रूपमा हेरिएको छ। महाधिवेशनबाट नयाँ नेतृत्व चयनसँगै आगामी निर्वाचन तथा राजनीतिक अभियानका लागि स्पष्ट कार्यदिशा तय हुने अपेक्षा गरिएको छ।

देशभरबाट आएका प्रतिनिधिहरूको उत्साहजनक सहभागिताले महाधिवेशन स्थल भरिभराउ बनेको छ। चितवनमा आयोजित यस महाधिवेशनले रास्वपाको संगठनात्मक भविष्य र राजनीतिक यात्रालाई नयाँ दिशा दिने विश्वास पार्टी नेताहरूले व्यक्त गरेका छन्।