बिहीबार सुनको मूल्य एक हजारले बढ्यो

काठमाडौं । नेपाली बजारमा बुधबार तोलामा ९ सय रुपैयाँ बढेर एक लाख ६३ हजार रुपैयाँ पुगेको सुन आज बिहीबार पनि एक हजार रुपैयाँले बढेको छ । नेपाल सुनचाँदी व्यवसायी महासंघका अनुसार बिहीबार सुन तोलाको एक लाख ६४ हजार रुपैयाँ पुगेको हो ।

नेपाली बजारमा गत सोमबारदेखि सुनको मूल्य लगातार बढिरहेको बेला आज बिहीबार पनि एक हजार रुपैयाँले वृद्धि भएको हो । सुनको मूल्य बढे पनि आज चाँदीको मूल्य भने स्थिर नै रहेको महासंघले जनाएको छ । आज पनि चाँदी बुधबारकै मूल्य एक हजार ९ सय ५० रुपैयाँमा कारोबार भइरहेको छ।