यस वर्षको एसईई परीक्षा १२ दिनपछि सर्यो
काठमाडौं, ८ माघ । फागुन २१ गते हुने प्रतिनिधिसभा निर्वाचनका कारण राष्ट्रिय परीक्षा बोर्डले यस वर्षको एसईई परीक्षा १२ दिनपछि सारेको छ ।
परीक्षा बोर्डले आगामी चैत १९ गतेदेखि २९ गतेसम्म एसईई परीक्षा संचालन गर्ने गरी तालिका सार्वजनिक गरेको हो।
गत वर्ष एसईई चैत ७ गतेदेखि सञ्चालन भएको थियो भने यसवर्ष निर्वाचनको लागि मतपत्र छपाईका कारण परीक्षा सारिएको गरिएको बोर्डले जनाएको छ।
यस वर्षको एसईई परीक्षामा सहभागी हुन ५ लाख १७ हजारले परीक्षा फारम भरेका छन्।
What's Your Reaction?
