सुनको मूल्य ३ लाख नजिक, एकैदिन बढ्यो १० हजार ४ सयले
काठमाडौं, ७ माघ । बुधबार सुनको मूल्य ह्वात्तै बढेको छ । आज सुन तोलामा १० हजार ४ सय रुपैयाँले बढेर प्रतितोला २ लाख ९५ हजार १ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
मंगलबार २ लाख ८४ हजार ७ सय रुपैयाँमा कारोबार भएको सुन बुधबार एकैदिन तोलामा १० हजार ४ सय रुपैयाँले बढेको हो ।
आज चाँदीको मूल्य प्रतितोला ४० रुपैयाँले बढेर ५ हजार ९२० रुपैयाँमा किनबेच भइरहेको छ । अन्तर्राष्ट्रिय बजारमै सुनको भाउ उच्च दरले बढेसँगै नेपालमा प्रभाव परिरहेको छ ।
अन्तर्राष्ट्रिय बजारमा सुनको भाउ प्रतिऔंस ४ हजार ८ सय ५० अमेरिकी डलर नाघेको छ।
What's Your Reaction?
