सुन र चाँदीको मूल्यमा भारी गिरावट, कति पुग्यो तोलाको ?
काठमाडौं, ५ चैत । नेपाली बजारमा आज बिहीबार सुनको मूल्य ह्वात्तै घटेको छ । बुधबार तोलामा २ हजार २ सय रुपैयाँ घटेको सुन आज बिहीबार पनि ५ हजार ४ सय रुपैयाँले घटेर सस्तिएको हो ।
नेपाल सुनचाँदी व्यवसायी महासंघका अनुसार आज सुन तोलाको ३ लाख २ हजार ३ सय रुपैयाँमा झरेको छ । हिजो र आज गरेर सुनको मूल्य तोलामा ७ हजार ६ सय रुपैयाँ घटेको छ।
सुनसँगै आज चाँदी पनि तोलामा १४० रुपैयाँ घटेर ५ हजार १० रुपैयाँमा कारोबार भइरहेको छ । हिजो बुधबार पनि चाँदी तोलामा १८५ रुपैयाँ घटेको थियो।
What's Your Reaction?
