यस वर्ष भाइटीका लगाउने उत्तम साइत ११ बजेर ३९ मिनेटमा
काठमाडौं, २८ असोज । यस वर्षको भाइटीकाको उत्तम साइत कात्तिक ६ गते बिहिबार बिहान ११ बजेर ३९ मिनेटमा रहेको छ ।
नेपाल पञ्चाङ्ग निर्णायक विकास समितिले दिएको जानकरी अनुसार कात्तिक ६ गते बिहीबार मध्याह्नकालमा टीका लगाउन बाधा नपरे पनि साइत खोज्नेका लागि बिहान ११ बजेर ३९ मिनेट उत्तम रहेको छ ।
राज्य सञ्चालकले साइतमै टीका लगाउनुपर्ने तथा सर्वसाधारणका लागि मध्याह्नकालमा टीका लगाउन कुनै समस्या नरहेको समितिले जनाएको छ ।
यसवर्ष यमपञ्चक कात्तिक १ गते शनिबारदेखि सुरु हुन्छ । त्यस दिनदेखि यमदीप दान सुरु गरिन्छ । धन त्रयोदशी र धनतेरस पर्व पनि यसै दिन परेको समितिले स्वीकृति दिएका पात्रोमा उल्लेख छ ।
What's Your Reaction?
